ETA ePE-BW eu

ETA Heiztechnik

ePE-BW

ETA ePE galdarak 0,5 m² bakarrik bete dezake galdara gelan, eta kondentsazio teknologia, integratutako sistema hidraulikoa eta partikula bereizlea dituen merkatuko pellet galdara txikiena da. Bere konexio aukera malguei esker ia edozein lekutan instalatu daiteke.

Aire garbia teknologia berriztatzaile bati esker

ETA partikula bereizleak karga elektrostatikoa erabiltzen du kearen partikula xehea era eraginkorrean kentzeko. Emaitza: isurketa gutxiago eta ingurumena errespetatzen duen funzionamendua – mantentze lan gehigarririk gabe.

Leku beharrik txikiena, potentzia handiena

ETA ePE-BW galdarak zoruan 0,5 m2 bakarrik hartzen ditu, eta eraginkortasunik eta segurtasunik handiena eta funtzionamendu erosoa ditu bere baitan – leku gutxi dagoenerako berokuntzarako soluzio egokia.

Eraginkortasunik handiena kondentsazio teknologiari esker

Integratutako kondentsazio bero trukatzaileak energia ia dena probesten du eta ETA galdararen eraginkortasuna nabarmenki handitzen du – berokuntza jasangarri batetarako etorkizuneko irtenbide bat.

Errauts gutxiago, erosotasun handiagoa

Optimizatutako konbustio prozesu bati esker oso errauts gutxi sortzen da. Errauts hau errauts kaxan konprimatu egiten da, eta era honetan oso gutxitan hustu behar da. Hustu behar denean galdarak automatikoki bidaltzen du gogorarazteko e-mail bat.

Sua atzera ez itzultzeko segurtasunik handiena

Sua atzera itzultzea ekiditen duen balbula birakariak funtzionamendu segurua bermatzen du – horri esker sua horretarako izendatutako konbustio ganberan mantentzen da.

Malgutasuna instalatzerakoan

ETA ePE-BW galdara azkar eta erraz instalatzen da dauzkan konexio aukera malguei esker – horma baten kontra edo iskina batean instalatu daiteke. Konexio hidraulikoak erraz biratu daitezke ezkerrera edo eskuinera, eta aire sarrera eta ke irteera konexioak ezkerraldean edo atzealdean jarri daitezke.

Galdara itxi bezala funtzionatu dezake

ETA ePE galdarak konbustiorako behar duen oxigenoa zuzenean kanpoaldetik hartu dezake aukerako hodi baten bidez. Honi esker galdara neguan ere martxan izan daiteke berokuntza daukan eremuaren barruan leihorik ireki gabe.

Kontrolatzeko erraza

Konbustioa, pellet garraioa, bufferraren kontrola, ur bero ekoizpena, bi zirkuiturentzat asteko programatzailedun kanpoko tenperaturaren araberako berokuntza kontrola edo konektatutako eguzki instalakuntza bat – hau dena era errazean kontrolatu daiteke galdararen pantailatik edo Internet bidezko meinETA urruneko kontrolarekin.

Partikula bereizle elektrostatikoa

Isurketarik txikienak fenomeno natural bat erabiliz

Galdarako partikula bereizleak egurrarekin oraindik ere era garbiagoan eta ingurugiroa gehiago errespetatuz berotu ahal izatea ahalbidetzen du. %80-85-eko partikulak bereizteko eraginkortasun ikusgarriari esker, isurketak ia auteman ezin diren mailara murrizten dira. Etorkizunean instalatzea ere oso erraza da.

meinETA

Edozein lekutatuk erraz kontrolatu daiteke

ETAtouch: Ukipen pantaila galdaran

Ordenik gabe jarritako botoi eta kontrolak iraganeko gauza
bat dira. ETAren ukipen pantailarekin ezarpen guzietara erraz eta azkar iritsi daiteke. Irudiak argiak eta ulerterrazak dira. Etxea epelago edo hotzago nahi baduzu, gauerako tenperatura jaisteko ordua aldatu nahi baduzu edo oporretara zoazenerako tenperatura baxuago bat programatu nahi baduzu – Irudi egokia ukitzearekin bakarrik egin ahal izango duzu, erraz eta erabilera eskuliburu beharrik gabe!